Тіршілік тынысы Сырдария аудандық қоғамдық-саяси газет

№ 4 газет

15 қаңтар 2022 ж.

№ 3 газет

11 қаңтар 2022 ж.

№ 2 газет

08 қаңтар 2022 ж.

Жаңалықтар мұрағаты

«    Қаңтар 2022    »
ДсСсСрБсЖмСбЖс
 12
3456789
10111213141516
17181920212223
24252627282930
31 
» » Тұмауға қарсы екпе жұмыстары жүргізілуде

Тұмауға қарсы екпе жұмыстары жүргізілуде

Жыл сайын тұмау мен жедел респираторлық вирустық инфекцияларды жұқтырушылардың саны көбейіп келеді. Соған орай ел тұрғындарына тұмауға қарсы вакцина салынады. Биыл елімізде екпе науқаны екі аптаға ерте басталды. Өйткені коронавирус індеті кезінде тұмау өршіп, салдары қауіпті болуы мүмкін. Сондықтан қазіргі таңда екпенің аурудың алдын алуға ықпалы зор.

Өткен жылы елімізде 430 мың адам тұмауратса, оның 60 пайыздан астамы 14 жасқа толмаған балалар. Соған орай екпе жұмыстарымен алдымен балабақша мен мектеп жасындағылар бірінші кезекте қамтылуда.

Сырдария ауданы бойынша 2020 жылдың 1 қазанына дейін 3646 адамға вакцина салу жұмыстары жүргізілуде. Қазіргі таңда диспансерлік есепте тұратын тұрғындарға, жүкті әйелдерге, медициналық ұйымдарда бақылауда тұрған балаларға, 6 айдан асқан жиі ауыратын балаларға, ересек адамдарға екпе егілуде. Бүгінгі күнге екпе жұмыстары 64,5 пайызға орындалып отыр.

– Қазір күн салқындады. Оның үстіне қауіпті індет түбегейлі жойылған емес. Сондықтан тұмауға қарсы екпені салдырып алған дұрыс. Статистикалық мәліметтер бойынша жыл сайын қазан айының ортасында тұмаумен және жіті респираторлы вирустық инфекциямен ауыратындар күрт көбейеді. Ал вакцинадан кейінгі иммунитет 2 аптадан кейін болады. Сол себепті де екпені ерте салдырып алу қажет. Осы бағытта ауданда ауданның медицина қызметкерлері тиісті жұмыстарды жүргізіп жатыр, – дейді аудандық аурухана бас дәрігерінің бастапқы медициналық көмек көрсету жөніндегі орынбасары Жанар Әшімқызы.

Қауіпке қорған – сақтық екенін ескерсек, тұмау және жіті респираторлы вирустық инфекция жұқтырмас үшін екпе салдырып алу қажет. Айта кетейік, екпе жұмыстары аудандық емхана мен ауылдық округтердегі дәрігерлік амбулаторияларда жүргізілуде.

Бибісара Жанәлі

23 қыркүйек 2020 ж. 240 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам