Ерікті түрде екпе алуға шақырамын

Індет өршіп тұрған уақытта одан сақтанудың қандай да бір алғышарттарын жасауымыз қажет. Аудан бойынша індет жұқтырғандардың саны 136-ға жетті. Жағдай күн өткен сайын күрделеніп барады. Соның салдарынан аудан әлі де "қызыл" аймақта.

Бүгінгі жағдайға байланысты өзімді жақындарымды індеттен қорғау мақсатында бүгін ерікті түрде "Спутник-V" вакцинасын салдырдым. Денсаулығым бірқалыпты, өзгеріс байқалған жоқ.

Екпе салдыру індетке қарсы тұрудың жолы екені айқын. Сол себепті тұрғындарды, жастарды ерікті түрде екпе алуға шақырамын.

Ғани Оралов,

аудандық "Жастар" ресурстық орталығының директоры