Жеке қабылдау өткізді
Кеше «Nur Otan» партиясы аудандық филиалының Қоғамдық қабылдау бөлмесінде аудан әкімі аппаратының басшысы, әдеп жөніндегі уәкіл Талант Ерманов аудан тұрғындарын жеке мәселелері бойынша қабылдау жасады.Қабылдау барысында Талант Ермановқа аудан тұрғындары мемлекеттік қызмет бойынша сұрақ қойып, Заң шеңберінде нақты жауап алды. Өз кезегінде аппарат басшысы мемлекеттік қызмет бойынша сан түрлі мәселелеріне тоқталды. Оның ішінде, мемлекеттік қызметшілердің әдеп нормаларын сақтау жөнінде негізгі талаптары атап өтті.
– Мемлекеттік салада еңбек ету – асқан жауапкершілікті талап етеді. Күн сайын сала мамандары түйткілді мәселелермен бетпе-бет келеді. Оларға артылған жауапкершілік жүгі зор. Әрбір қызметкердің имиджін көтеру маңызды. Мамандардың кәсіби тұрғыдан біліктілік пен білім деңгейін арттыру – негізгі мақсат, – деді Талант Талғатұлы.
Балтабай ОРДАБЕКОВ
