Асық атудан жарыс
1 сәуір күні ауданға қарасты барлық мектепте 4 тоқсан сабақтары басталғаны белгілі. Ал шіркейлілік оқушылар көктемгі демалысты көңілді өткізді. Олар «Қазақстан балалары – көктем шақырады» атты акция шеңберінде көктемгі демалыс уақытын тиімді пайдаланды. №129 Ә.Жәмішов атындағы мектеп-лицей оқушылары республикалық акция барысында ұлтық ойын асық атудан бақ сынады.
Жарыстың өткізілу мақсаты – саламатты өмір салтын қалыптастыру, дене шынықтыру және спорт, физикалық жетілу, өз денсаулығына жауапкершілікпен қарау құндылығын қалыптастыру.
