Тіршілік тынысы Tirshilik-tynysy.kz ақпараттық агенттігі
» » Жаңа ақпараттық жүйе іске қосылады

Жаңа ақпараттық жүйе іске қосылады

Биыл 1 шілдеден бастап елімізде Әкім­­шілік рәсімдік-процестік кодекс күші­не енеді. Ең алдымен, бұл кодекс аза­маттардың мүдделерін қорғауға, соның ішінде мемлекеттік органдардың негізсіз және жеткіліксіз уәжделген шешімдерінен қорғауға арналған қағидаттар енгізілген. Азаматтарға мемлекеттік органдардың соңғы шешімі қабылданғанға дейін өз уәждері тыңдалатынына процедуралық ке­пілдеме бекітілген. Бұл қадам Мемлекет басшысының «Сындарлы қоғамдық диалог – Қазақстанның тұрақтылығы мен өр­кендеуінің негізі» атты Қазақстан халқына арнаған Жолдауындағы «Ха­лық үніне құлақ асатын мемлекет» тұжырым­дамасына негізделген.

Сонымен қатар осы мақсатта биылғы жылы азаматтардың мемлекеттік орган­дарға жүгіну жұмысын жеңілдетіп, өтініш­терді бақылау ісін жетілдіретін «е-Өтініш» ақпараттық жүйесі іске қосылатын болады. Ақпараттық жүйе өтініштерге қатысты процестерді цифрландыруды қамтамасыз етеді. Тиімділігін арттыру бағытында, мемле­кеттік органдардың құзыретіне қа­рай өтініштерді автоматты түрде бөледі. Мемлекеттік органдар арасында сауалдар санын оңтайландыру есебінен өтініштерді қарау мерзімін қысқартады. Өтініштерді қарауда өтініш берушіні ақпараттандыруға мүмкіндік береді.

Сондай-ақ, «е-Өтініш» ақпараттық жү­йесі өтініш берушімен кері байланыс орнатып, мемлекеттік органдардың жұмысына баға беруге жол ашады. Мемлекеттік органдардың жауабына мін­детті түрде жүйелі талдау жүргізіліп, бұл жұмыс жауапсыз қалдыру ісінің алдын алып, нақты салада өтініштерді қараудың бірыңғай тәжірибесін жолға қоятын болады.

А.Ұзақбаев,
аудан әкімі аппаратының
құжаттамалық қамтамасыз ету
және бақылау бөлімінің басшысы
30 наурыз 2021 ж. 576 0