Төтенше жағдай: тосын оқиғадан сақтанған абзал

Өткен аптада №36 Ә.Тәжібаев атын­дағы мектеп-лицейінде аудандық тө­тен­ше жағдайлар және №12 өрт сөн­діру бөлімінің 2020 жылы 12 айында атқарған жұмысының қорытындысы және биылғы жылдың І тоқсанына қойылатын міндеттері бойынша алқа мәжілісі өтті. Жиынды облыстық тө­тенше жағдайлар департаменті басты­ғының орынбасары, полковник Сайд­ Молдақараев жүргізіп отырды.

Алқа мәжілісінде аудандық төтенше жағдайлар бө­лімінің бастығы Нұрбол Бақтияр өткен жылдың қоры­тындысы бойынша баяндама жасады.

– Аудандық төтенше жағдайлар бөлімі азаматтық қор­ғау саласындағы мемлекеттік саясатты, оның ішін­де табиғи және техногендік сипаттағы төтенше жағ­дай­лардың алдын алу және жою, аудан аумағында азаматтық қорғанысты ұйымдастыру және өрт қауіп­сіздігін қамтамасыз етуді, төтенше жағдай аймағында халыққа көмек көрсетуді жүзеге асырады. 2020 жылдың 12 айында Сырдария ауданы аумағында 145 табиғи және техногендік сипаттағы төтенше жағдай мен оқиға тіркелді. Былтырғы жылдың осы мерзімімен салыстырғанда көрсеткіш 47-ге немесе 32,4 па­йыз көбейген. Оның ішінде 42 өрт, 101 өртке жатпайтын жану оқиғасы, табиғи және техногенді сипаттағы төтенше жағдай бар. ҚР ІІМ Төтенше жағдайлар комитетінің 2019 жылғы 30 қыркүйектегі №252 бұй­рығына сәйкес, кез келген өрт оқиғалары төтенше жағ­дай болып есепке алынуына байланысты Сырдария ауданы бойынша төтенше жағдай көбейіп отыр. Олардың алдын алу мен жоюға аудан бюджетінің шұ­ғыл шығындар резервіне 2020 жылға 88 млн. 23 мың теңге қаржы қаралған (2019 жылға 71 млн. 878 мың теңге қаралды). Былтырғы жылмен салыстырғанда 16 млн. 145 мың теңгеге немесе 18,3 пайыз көбейген. Ауданның қауіп-қатер каталогы мен қауіпсіздік пас­портына 2020 жылға түзетулер мен толықтырулар енгізілген.

Сырдария ауданында су бас­у аумағынан қауіпсіз аймаққа орна­лас­тыру мақсатында іс-шара жоспары бекітілген. Су басу қаупі бар аймақ­қа Тереңөзек кенті, Қалжан-ахун, Н.Ильясов елді мекені мен А.Тоқмағамбетов ауылдық округіне қарасты саяжай жатқызылған. Жалпы, халық­ты су басу аймақтарынан көшіру мақсатында 8 эвакуациялық жи­­нақ­тау пункті және 10 эва­куа­циялық қабылдау пункті бекітілген. Аудан бойынша Сырдария өзені бойындағы қорғаныс бөгеттеріндегі учаскелерге бекі­тілген жауапты мекемелер кестесі аудан әкімімен 2019 жылдың 26 желтоқсанда бе­кітіліп, жауапты тұлғалар мен мекемелер белгіленген (8 – мекеме, учаскілер саны – 9). Бөлім мен жергілікті атқарушы органдарының бірлесіп жүргізген іс-шаралары нәтижесінде, аудан аумағында көктемгі су тас­қыны орын алған жоқ. Сонымен қатар қорғаныс бөгеттерін қалпына келтіру мақсатында облыстық бюджеттен 40 млн. теңге қаржы бөлініп, «Углесбыт» ЖШС мен Сырдария ауданының «Сламбек» учаскесіндегі қорғаныс бөгетінің 2 шақырым 700 метр жеріне дамбыны күшейту жұмыстары жүргізілді. Күшейту жұмыстарына 1 экскаватор, 1 жүк тиегіш, 5 камаз, 1 «бульдозер», 10 адам жұмылдырылды. «Әйтек» су торабындағы ақауды қалпына келтіру үшін республикалық бюджеттен 700 млн. теңге бөлініп, 2020 жылдың 10 қазаннан бастап қаржыландырылса, 8 қарашадан бас­тап қалпына келтіру жұмыстары жүргізілуде, – дейді бөлім басшысы.

Өрт қауіпсіздігі саласы бойынша аудандық төтенше жағдайлар бөлімінің ақпаратты есепке алу кітабына 173 хабарлама келіп түскен. Сонымен бірге төтен­ше жағ­­дайға байланысты атқа­рылған жұмыстарды бөлім басшысы қо­сымша атап өтті. Бұл ретте, облыс­тық төтенше жағдайлар депар­таменті бастығының орынбасары, полковник Сайд Молдақараев жоға­рыда көтерілген мәселелер бо­йын­ша ұжымға нақты тапсырмалар берді. Тәртіптік жауапкершілікке тар­тылған сала мамандарына қыз­мет барысында салғырттыққа бой алдырмауға шақырды.

Өз кезегінде №12 өрт сөндіру бөлімінің бастығы Әуелбек Рахмет 2020 жылдың 12 айында атқарыл­ған жұмыстар жөнінде баян­дама жа­­сады.

– Аудандық №12 өрт сөндіру бө­лімінде штат бойынша 36 қыз­меткер бар. Қазіргі таңда 34 қыз­меткер, 1 штаттан тыс радио­те­лефонист жұмыс атқаруда. «Өрт сөндіру-құтқару дайындығы жө­нін­дегі тәлімдемесіне» және бөлімнің ӨСҚД және ГТҚҚ нор­мативтік жаттығулар кестесіне сәй­кес, жеке құрамның жауынгерлік дайындығын көтеру мақсатында жыл басынан бері 38 рет ӨСҚД нормативтік жаттығуы, 23 рет ГТҚҚ нормативтік жаттығуы іс жүзінде жасалған. Оның ішінде 7 рет ГТҚҚ нормативтік жаттығуы тыныс алу аппаратына қосылу арқылы орындалды.

Бүгінде бөлімде 22 газ түтіннен қорғаушы және 10 тыныс алу аппараты, 24 бетперде және 20 ауа балондары бар. Барлығы жарамды күйде. Жылу түтін камерасы және психологиялық от жолағында тыныс алу аппараттарында жатты­ғуы 2020 жылдың 12 айында жылу түтін камерасында 4 рет, 2019 жыл­дың 12 айында жылу түтін камерасында 4 рет, яғни өткен жылмен салыстырғанда тең нәтижемен сабақтар өткізілген.

Бөлім теңгерімінде авариялық-құтқару жұмыстарын жүргізуге ар­налған «Холматро» әмбебап құ­­ралы бар. «Холматро» құралын оқытуды және машықтануды же­тілдіру мақ­сатында 2020 жылы 12 айға арналған сабақ кестесі жа­сал­­­ған. Айына 1 реттен іс жүзінде жеке кәсіпкер А.Иманбеков автошеберханасына барып, жеке құрам «Холматро» құралымен жұмыс істеп, машықтанып үйренуде, – дейді бөлім басшысы. Баяндамадағы мәліметке сәйкес, №12 өрт сөндіру бөлімінің бірқатар мәселелері жиын барысында талқы­ланды.

Облыстық төтенше жағдайлар департаменті бастығының орын­ба­сары, пол­ковник С.Молдақа­раев сала мамандарына ау­дан тұр­ғындарына түсіндірме жұмыс­тарын күшейту керектігін айтты. Жас кадрларды дайындау мақсатында тиісті шаралар жүзеге асыру жолға қойылуы тиістігін ескертті. Су тасқыны мен суға кету бойынша бір­неше бағытта жұмысты үлестіру көзделген. Өрт оқиғасын азайту үшін кәсіби тұрғыдан негізгі міндет­тер сараланды.

Айта кету керек, №12 өрт сөн­діру бөліміне заман талабына сәй­кес­тендірілген «Камаз» жүк көлігі ба­засындағы жаңа АЦ-5-40 өрт сөн­­діру автокөлігі берілді. Аталған ав­токөлік аудан бойынша өрт оқи­ға­ларына жұмылдырылады.

Балтабай ОРДАБЕКОВ