ЖҰМЫСПЕН ҚАМТЫП, КӨТЕРМЕ ЖЕҢІЛДІК БЕРЕДІ

А.Тоқмағанбетов ауылдық округінің ауылдық клуб үйінде «Нәтижелі жұмыспен қамту және жаппай кәсіпкерлікті дамыту» бағдарламасы аясында ауыл тұрғындары мен Солтүстік Қазақстан облысынан келген жұмысшы тобының кездесуі болып өтті..
Солтүстік Қазақстан облысы, Тайынша ауданынан келген өкілдер өз аудандары бойынша мәлімет берді. Солтүстікте көптеген бос жұмыс орындарына сұранысы жоғары екендігін, әсіресе ұстаздар, тәрбиешілер, сауыншылар, механизаторлар жетіспейтіндігін, үлкен өндіріс орындарына қажетті мамандарға деген сұраныстардың  жоғары екендігін, мемлекеттік бағдарлама арқылы қоныс аударушыларды күтетіндерін, жұмысқа орналасуына, үймен қамтамасыз етуге зор мүмкіндіктер бар екенін айтты. Сонымен қатар Тайынша ауданы жайлы ондағы кәсіпорындар жайлы видеороликтер көрсетілді. Ауыл тұрғындары өздерін қызықтыратын сұрақтарға жауап алды. Сұрақтардың көпшілігі айлық жалақы мөлшері мен тұрғын үй мәселесі жайлы болды.

Ш.НҰРСЕЙІТОВ