Ұлық мерекеде атты шеру өтті
ҚР Тәуелсіздігі күніне орай Сырдария ауданында атты шеру өтіп, оған 30 шабандоз қатысты.Ұлық мерекеде Туды желбіреткен сырдариялық шабандоздар аудан орталығындағы Ғ.Мұратбаев, Қ.Қазантаев, И.Тоқтыбаев көшелерімен жүріп өтті.
– Патриоттық шара жастарға қажет. Көше бойымен көк байрағымызды алып жүру арқылы біз ел бірлігі мығым, татулығымыз тұрақты екенін дәріптейміз. Жалпы, осындай бейбіт күнде өмір сүруіміз – Тәуелсіздігіміздің арқасы. Мереке құтты болсын, – дейді атты шеруге қатысушы Хамзат Кеңесбаев.
