Ұлық мерекенің маңызы насихатталды

Тәуелсіздік ұғымын мектеп оқушы­ла­рының санасына сіңіру, қадір-қасиетін ке­ңі­нен насихаттау мақсатында аудандағы барлық білім беру ұйымдарында патриоттық іс-шаралар ұйымдастырылды. №210 О.Әбіл­паттаев атын­дағы орта мек­тебінің ша­қыруымен аталған білім ордасындағы ашық сабаққа қатысып, озат оқушылардың талабы мен талантына куә болдық.

Мерекелік ашық сабақты орта мектептің бастауыш сынып мұғалімі Сәуле Таюпова мен тәлім алушы Бағжан Жаппарова ұйымдастырды. Ашық сабаққа оқушылардан бөлек «Jas Otan» Жастар қанатының Сырдария аудандық бөлімшесінің басшысы А.Ибрагимұлы, орта мектеп директорының міндетін атқарушы А.Жаңабергенова мен тәрбие ісі жөніндегі орынбасары А.Друмова қатысты.

Мемлекеттік Гимн орындаумен бастал­ған ашық сабақ барысында ұстаздар оқу­шыларға Тәуелсіздік күні мерекесінің тарихы жөнінде мағлұматтар берді. Тәуел­сіздік жылдарында жеткен жетістіктер слайд арқылы көрсетілді. Сондай-ақ Айару Асылбек, Санат Айбек, Аяна Өмірбек, Кәусар Ерханқызы, Жанниет Сүлейменова, Әлимансұр Берікболұлы, Іңкәр Сәбитқызы, Інжу Ерболатқызы, Алфия Балтабаева есімді оқушылар халқымыздың көрнекті ақындарының патриоттық өлеңдерін жат­қа оқыды. Музыка пәнінің мұғалімі Үміт Ерназардың сүйемелдеуімен Нұртөре Айтбай «Көк тудың желбірегені» әнін орындаса, Аружан Алмабекқызы, Зайтуна Нұрлан, Диас Қазбеков жергілікті ақындардың өлеңдерінен үзінді оқыды.

Жұлдызай АНШАЕВА