Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 23 газет

27 наурыз 2020 ж.

№ 22 газет

21 наурыз 2020 ж.

№ 21 газет

17 наурыз 2020 ж.

Жаңалықтар мұрағаты

«    Наурыз 2020    »
ДсСсСрБсЖмСбЖс
 1
2345678
9101112131415
16171819202122
23242526272829
3031 
» » Ақын мұрасы – ұрпаққа үлгі

Ақын мұрасы – ұрпаққа үлгі

Ұлы ақын Абай Құнанбайұлының 175 жылдық мерейтойы елімізде кеңінен тойлануда. Елбасы мен Мемлекет басшысы қатысқан Абай жылының ашылуы бізге зор тебіреніс сыйлады. Жыл басынан бастап мектебімізде ақын шығармашылығына арналған іс-шаралар өтуде.
Қоғалыкөл ауылындағы №44 орта мектебінде «Абай дана, Абай дара қазақта» тақырыбында ашық сабақ өтті. Іс-шараға мектеп ұстаздары мен оқушылар қатысты. Ашық сабақ барысында ақынның өмірі мен шығармашылығы жөнінде кең көлемді мағлұмат берілді. Оқушылар ақын өлеңдері мен қара сөздерін оқып, пікірлерін айтты. Арнайы бейнебаян көрсетіліп, ақынның баға жетпес құнды қазыналары насихатталды.
Ашық сабақ барысында ұлы ақынның сөзіне жазылған «Көзімнің қарасы», «Айттым сәлем, Қаламқас» секілді әндері шырқалды. Сонымен бірге аудармалары оқылып, қатысушылар «Желсіз түнде жарық ай» әнін караоке арқылы айтты. «Сыйлық кімге бұйырады?» атты тақырыпта көрермендерге де сұрақ қойылып, жеңімпаздар анықталды. Іс-шара соңында орта мектеп директоры С.Қаюпов сөз сөйлеп, ақынның 175 жылдық айтулы мерейтойы елдігімізді асыратын, еңсемізді көтеретін рухани шара екенін атап өтті. Сондай-ақ ашық сабаққа белсене қатысқан ұстаздар мен оқушыларға алғысын айтып, шығармашылық сәттілік тіледі.

Гүлнат ЕЛУБАЙҚЫЗЫ,
№44 орта мектеп мұғалімі

03 наурыз 2020 ж. 179 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам