Аудан әкімінің мерекелік құттықтауы

Құрметті аудан тұрғындары!

Сіздерді 1 желтоқсан – Қазақстан Республикасының Тұңғыш Президенті күнімен шын жүректен құттықтаймын!

Тәуелсіз Қазақстанның іргетасын қа­лап, шекарасын бекітіп, болашақтың айқын бағдарын көрсетіп, елімізді әлемдегі қуатты мемлекетке айналдыруда Қазақстанның Тұңғыш Пре­зи­денті – Елбасы Нұрсұлтан Әбішұлы Назарбаевтың еңбегі ұшан-­теңіз. Сондықтан біз егемен ел­дің қалыптасуы мен өркендеуін Елбасы­ның есімімен тығыз байланыстырамыз.

Ұлт Көшбасшысының сындарлы сая­сатының арқасында Қазақстан то­лым­ды табыстарға кенелді. Еуразия кеңістігінде алпауыт мемлекетке айнал­дық. Ата Заңымыз қабылданып, Көк байрағымыз желбіреп, ұлтымыз өркениет жолына түсті. Ел экономикасы қалыптасып, стратегиялық реформалар жүзеге асты.

Тәуелсіздікке қол жеткізгенде жар­­­­­­­қын бастамаларды іске асырды. Атап айтқанда, елде тұрақтылық пен татулықты темірқазық етіп, Қазақстан халқы Ассамблеясын құрды. Соның аясында еліміздегі барлық этнос өкіл­дері бір шаңырақ астына топтасты. Нәтижесінде, бірлігі бекем, татулығы тұрақты мемлекетіміз бейбітшілік ала­ңына айналды.

Сындарлы сәтте тарихи таңдау жасай білген Ұлт Көшбасшысы Есілдің бойына ел қондырып, тәуелсізді­гі­міз­дің тірегі – еңселі елорданы орнатты. Арқа төсіне әсем астана салып, бас қала Еуразия жүрегі саналады. Тұңғыш Президенттің төл тумасы Елорда сәулетті астаналар қатарында.

Тұңғыш Президент жүргізіп келген сындарлы саясатты бүгінде Мемлекет басшысы Қасым-Жомарт Кемелұлы Тоқаев жалғастыруда. Қазақстан Президенті Елбасы саясатының сабақ­тастығын сақтап, жүйелі реформалар жүргізу арқылы мемлекетіміз өр­кендеп, дамып келеді.

Қадірлі сырдариялықтар!

Тарихта бірде-бір мемлекет жаңа­дан пайда болып, аз уақыттың ішінде Қазақстан секілді әлем таныған елге айналған емес. Бұл көреген көшбасшы, қажырлы қайраткер Нұрсұлтан Әбішұлы Назарбаевтың ерен ерлігі екені мәлім. Сондықтан «Мәңгілік елге» бағыт алған қазақ елінің стра­тегиялық бағытын айқындап берген Елбасыға құрмет мол.

Жұртымызға амандық, шаңырақта­ры­ңызға шаттық тілеймін!

Елдігіміз еңселі, Елбасымыз аман болсын!

Құрметпен,

Талғат ДҮЙСЕБАЕВ,

Сырдария ауданының әкімі