Қоғамның қозғаушы күші
Жыл басынан бері қоғамдық шаралардың көпшілігі ерікті жастардың қатысуымен өтуде. Жақында аудандық жастар ресурстық орталығының ұйымдастыруымен ерікті жастар мен төтенше жағдайлар бөлімі қызметкерлері бірлесіп шара өткізді. Жылу беру маусымына дайындық кезеңінде №12 өрт сөндіру бөлімімен еріктілер бірлесіп, ақпараттық түсіндірме жұмыстарын жүргізуде. Тұрғын үйлерде өрт қауіпсіздігі ережелерін назарда ұстау аса маңызды. Осы ретте, қауіпсіздік ережелерін білмеу де – өмірге қауіпті екені айтылды. Бұл тұста, ерікті жастар тұрғын үй секторларында тұрақты түсіндірме жұмыстарын жүргізіп келеді. Аудан тұрғындарына өрттің алдын алу мақсатында жадынамаларды таратып, үйлерінде ақауы бар жылыту құралдарын, электр қондырғыларын пайдалануға болмайтындығын ескертті. Қарапайым ережелерді ұстанып, немқұрайлылық танытпауға шақырды.
Майя Қожабай
