ИННОВАЦИЯЛЫҚ ОҚЫТУ ЖОЛДАРЫ

Бүгін облыстық оқу орталығы мен аудандық білім бөлімінің ұйымдастыруымен №35 мектеп-лицейде әдістемелік семинар өтті. Семинардың тақырыбына сай, жаңартылған білім беру аясында 5,7 сыныптарда жаратылыстану бағытында пәндерді инновациялық оқыту жолдары бойынша инновациялық мектеп-лицейдің тәжірибесі таратылды. Сондай-ақ, жаңартылған білім беру мазмұнын жаңарту жағдайындағы педагог қызметкерлердің кәсіби дамуына ықпал ету мақсатында педагогтар жаңартылған оқу бағдарламаларының ерекшеліктерімен танысты. Семинарға қатысушылар көрме жұмысымен танысып, педагог-психолог Г.Батишева тренинг өткізді. Мектеп-лицейдің 5-7 сынып оқушыларымен жаратылыстану, математика, география, физика, химия пәндері бойынша ашық сабақтар көрсетілді. Семинар қорытындысында облыстық оқу орталығының әдіскері Ж.Сыздықова іс-шаралар жоғары деңгейде өтіп, өз мақсатына жеткенін айтты. Үлгілі сабақ көрсеткен мұғалімдерге орталықтың арнайы сертификаттары берілді.