М.Мәметова атындағы Қызылорда педагогикалық жоғары колледжінде ағылшын тілін меңгерген математика, физика, информатика пәндерінің болашақ мұғалімдерін даярлау жобасы жүзеге асырылып жатыр. Бұл туралы колледж директоры Бақытжан Сайлыбаев өңірлік коммуникациялар орталығында өткен брифингте мәлімдеді. 
Соңғы екі жылда аймақ басшысының қолдауымен Назарбаев Зияткерлік мектептерінің үлгісіндегі жаратылыстану-математикалық бағыттағы пәндерді тереңдетілген бағдарламамен ағылшын тілінде оқытатын 46 инновациялық мектеп-лицей қалыптастырылды.
 Алдағы оқу жылында алғашқы 75 түлек аталған инновациялық мектеп-лицейлерге мұғалім болып орналасады,  деді Б.Сайлыбаев.
Елбасы өз Жолдауында ұлттық білім беру жүйесінің нәтижесінде үш тілді меңгерген түлектердің жаһандық әлемде өмір сүре алатынын айтқан еді. Бұл осы бағыттағы көп жұмыстың бір парасы десек болады.
Н.ҚАЗЫБАЙҚЫЗЫ