Күзгі әскерге шақыру науқанының ерекшелігі

Әскерге шақырылғандар екі рет – жиын пунктерінде және әскери бөлімге келген кезде ПТР-зерттеуден өтеді

Күзгі әскерге шақыру науқаны кезінде қазақстандықтар коронавирусқа қарсы ПТР тесті екі рет тапсырады. Бұл туралы Қарулы күштер Бас штабы ұйымдастыру-жұмылдыру жұмыстары департаментінің бастығы полковник Сәкен Жүсіпов мәлімдеді, деп хабарлайды Sputnik Қазақстан тілшісі.

"Көктемгі әскерге шақырумен салыстырғанда, әскерге шақырылғандар үшін ПТР-зерттеу екі рет жүргізіледі. Біріншісі – әскерге шақыру кезінде, яғни жиын пунктерінде. Екіншісі – жас буын әскери бөлімге келген кезде", - деді Жүсіпов онлайн баспасөз мәслихатында.

Ол әскерге шақырылғандар мен медициналық комиссия мүшелері медициналық маска және қорғаныш қамтамасыз етілетінін атап өтті.

Сонымен қатар, күн сайын барлық қызметтік және қосалқы үй-жайларда кемінде екі рет дезинфекция жүргізіледі.

Әскерге шақырылған азаматта респираторлық ауруларға тән белгілер байқалса, тиісті әрекет ету әдісі көзделген.

Ол медициналық тексерістің өзі екі метр арақашықтықты сақтау арқылы жүргізілетінін айтты.