1 қыркүйекте сағат 11-00-де Мемлекет басшысы Қазақстан халқына Жолдауын жариялайды

Ертең, яғни, 1 қыркүйек күні сағат 11:00-де Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына жыл сайынғы дәстүрлі Жолдауын жариялайды. Бұл туралы Мемлекет басшысының баспасөз хатшысы Берік Уәли фейсбук әлеуметтік желісіндегі жеке парақшасында жариялады.

Жолдауды барлық республикалық телеарналар тікелей эфир арқылы көрсетіп, негізгі радиостанциялар тікелей толқында таратады.