Жаңа оқу жылына әзірлік қалай?

Аудан бойынша 2020-2021 оқу жылында 1 сыныпқа 846 оқу­шы қа­был­данады деп жоспарлануда. Ол 45 класс-ком­плекті­ні құрайды. Қазіргі таңда мектепке қабылдау жұмыстары электронды түрде жүргізілуде.

Жаңа оқу жылына дайындық актісін беру үшін аудандық білім бөлімінен құ­рыл­ған комиссия зерделеу жұмыстарын ұйымдас­тырып жатыр. Карантин жағ­дайына байланысты мұғалімдер мен оқушылардың техникалық құралдармен қамтамасыз етілуі мен интернетке қо­сылу мүмкіндіктері зерттелуде.

Жалпы, 2020-2021 оқу жылының І тоқсанын оқушылар қашықтықтан оқиды деп күтілуде. Аудандық білім бөлімінің мәліметінше, 1-4 сынып оқушылары үшін ата-аналар өтініші бойынша кезекші сыныптар ұйымдастырылады.

Аудан бойынша 249 кезекші сыныпта 3474 оқушы білім алмақ. Мектепке қажетті дизенфекция мен санитарлық құралдар алуға бюджеттен тиісті қар­жы қаралып, мемлекеттік сатып алу жұмыстары үйлестірілуде. Сонымен қатар аз қамтылған отбасы балаларына планшет және интернет модем құрылғыларын алу жұмыстары жүргізілуде. «Bilimland» платформасын сатып алуға да қажетті қаражат бағытталуда.