Азық-түлік бағасы бақылауда

Бүгін Сырдария ауданында Қоғамдық келісім кеңесінің мүшелері елдегі пандемия жағдайына байланысты аудандағы дәріханалар мен азық-түлік дүкендеріндегі тауарлар бағасын бақылады. Бақылаушы топтың қатарында аудан әкімінің орынбасары Д. Байдушев, аудандық тауарлар, көрсетілетін қызметтердің сапасы мен қауіпсіздігін бақылау басқармасының басшысы Е.Ұзақбаев және сала мамандары бар. Ауданда азық-түлік бағасын тұрақтандыру бағытында тиісті шаралар күнделікті жасалып келеді. Осы мақсатта мамандар тарапынан мониторинг үздіксіз жүргізілуде.

Әлеуметтік маңызы бар азық-түлік тауарларына бағаларды тұрақтандыру және бағаның негізсіз өсуін алдын алу мақсатында кәсіпкерлермен бірлескен шаралар қабылданып жатыр. Алдағы уақытта тұрғындарға қолайлы бағада тауарлардың сатылуы атқарушы органның назарында болады.