Республикалық акция ауданда жалғасты

Сыр волонтерлары орталығының «BIRGEMIZ:QAMQOR” бағыты бойынша «Мың алғыс!» жалпыреспубликалық акциясы қасиетті Құрбан айт мерекесінің алғашқы күні өткізілді. Аталған республикалық акция Сырдария ауданында да жалғасын тапты.

Облыстық Қазақстан халқы ассамблеясы және «Сыр волонтерлары» орталығының ұйымдастыруымен өткен акцияға облыстық ҚХА құрылымдары мен этномәдени бірлестік өкілдері, облыстық Жастар ресурстық орталығының жанынан құрылған волонтерлар фронт-офисі, кәсіпкерлер мен меценаттар, қоғамдық ұйымдар және барлық аудандар белсене атсалысты.

Мейірімділікке толы акция барысында «Қоғамдық келісім» КММ Сырдария аудандық этносаралық қатынастар жөніндегі сарапшысы «Иман-2013» қоғамдық қорымен бірлесіп, Сырдария аудандық ауруханасында жұмыс жасайтын 51 медицина қызметкерінің үйіне құрбандыққа шалынған мал еттерін таратты. Сондай-ақ азық-түліктей де көмек көрсетіліп, елеулі еңбектері үшін облыстық Қазақстан халқы ассамблеясы атынан Алғысқа толы алғыс хаттар табысталды.

«ТТ-ақпарат»