Іс-шара онлайн форматта ұйымдастырылды

Карантиндік талаптарға байланысты 31 мамыр – қуғын-сүргін және ашаршылық құрбандарын еске алуға арналған іс-шаралар ауданда онлайн форматта өтті. Аудандық полиция бөлімінде бейнеконференциялық байланыс арқылы дөңгелек үстел ұйымдастырылды.

Дөңгелек үстелде аудандық полиция бөлімінің басшысы Нұрлан Ибраев Президент Қасым-Жомарт Тоқаевтың саяси қуғын-сүргін және ашаршылық құрбандарын еске алу күніне орай үндеу жасағанын айтты. Сонымен қатар Мемлекет басшысының халқымыздың тарихындағы қасіретті кезеңге әділ баға бергенін атап өтті.

– Президент үндеуінде нәубет­ті жылдардың және оның құр­бан­дарының есімі ешқашан ұмытыл­майтыны айтылған. Расында да тарихи датаның мәні мен маңызын, халқымыз үшін тигізген кері әсерін ешқашан ұмытпауымыз керек. Мемлекет басшысы «Тарихи әділдікті қалпына келтіру жұмыстарын аяқтап, саяси қуғын-сүргін құрбандарын ақтау үшін арнайы мемлекеттік комиссия құруды тапсырдым» деп атап өтті. Бұл жазықсыз жазаланғандар рухына көрсетілген құрметтің жарқын белгісі, – деді бөлім басшысы.

Онлайн форматта өткен дөңгелек үстел барысында карантиндік талап­тарды сақтау, халыққа дұрыс тү­сіндірме жұмыстарын жүргізу жө­нін­де де айтылды. Сондай-ақ төтенше жағдай кезінде өз міндеттеріне жауапкершілікпен қарап, тапсырылған жұмыстарды тиянақты орындаған сала мамандарына алғыс жария­ланды. Бөлім басшысы ауданның құқық қорғаушылары алдағы уақытта да қоғамға адал қызмет ететініне сенім білдірді.

Онлайн форматта ұйымдастырылған дөңгелек үстел қорытындысында жеке құрамға бірқатар нақты тапсырмалар берілді.

Гүлсім ӘЛЖАНОВА