Аудан әкімі Ұлы Отан соғысы ардагерлерін құттықтады

Бүгін аудан әкімі Руслан Рүстемов, аудандық мәслихат хатшысы Ержан Әжікенов, «Nur Otan» партиясы аудандық филиалы төрағасының бірінші орынбасары Еркебұлан Жақып пен аудандық ардагерлер кеңесінің төрағасы Хайролла Әбенұлы соғыс және еңбек ардагерлері Яхия Тасыров пен Маханбет Бержановтың отбастарында болып, Жеңіс күні мерекесімен құттықтады.

Аудан әкімі майдангерлерге Мемлекет Басшысы мен облыс әкімінің құттықтау хаттарын табыстап, ерліктің елге мұра, ұрпаққа үлгі екендігін айта келе, Отан үшін от кешіп, бейбіт өмір сыйлаған қарт майдангерлерге алғысын білдірді. Өз кезегінде ардагерлер
аудан әкіміне шынайы ризашылықтарын білдіріп, ақ батасын берді.