Қасиетті Рамазан айында Сырдария ауданының ерікті жастары су тасқынынан зардап шеккен Түркістан облысы, Мақтаарал өңіріне қайырымдылық көмек ретінде азық-түлік өнімдерін жөнелтті. Бұл туралы  аудандық Жастар ресурстық орталығының директоры Ғани Оралов фейсбук әлеуметтік желісіндегі жеке парақшасында жариялады. 

Сырдария жастары қашанда елінің қай өңірі болмасын тұрғындарына қол ұшын созуға әзір. Бір жұдырық болып жұмылып, келелі істің басынан көрінер жастарымызға алғысым шексіз деген  аудан жастарының көшбасшысы Мақтаарал өңіріне қол ұшын созар қайырымды жандар болса қажетті киім-кешек, азық-түлік, көрпе-төсектерді аудандық Жастар ресурстық орталығына тапсыруға болатындығын, аталған заттар міндетті түрде мұқтаж жандарға жеткізіліп берілетіндігін айтты.