Алғашқы дән себілді
Дән себу науқаны Н.Ілиясов елді мекеніндегі «Мағжан және К» ЖШС-де өткізілді. Биылғы жылы аталған шаруашылық 5 мыңнан астам алқапқа күріш егуді жоспарлап отыр. Серіктестік төрағасы, аудандық мәслихат депутаты Дархан Ералиев егіншілерге сәттілік тілеп, алғашқы дән себу науқаны басталды. – «Көктемнің бір күні жылға азық» деген халқымыз үшін қызу тіршілік басталды. Күзде қамбамыз астыққа толып, егініміз мол өнім бергей. Еліміздегі төтенше жағдай шаруалар жұмысына кедергі келтірмеуі тиіс. Егістік алқапта жұмысшылар бетпердемен жүріп, тәртіпті сақтағаны жөн. Біріксек, індетті жеңеміз. Еңбектеріңіздің жемісін көріп, молшылық болсын, – деді Дархан Жұмашұлы.
Еске сала кетейік, өткен жылы аудан бойынша 21 мың гектар алқапқа Сыр салысы егілген болатын. Аймақ бойынша орташа өнім 61 центнерді құрады.
Майя ҚОЖАБАЙ
