Оқырмандарға арналған жаңа жоба жүзеге асады
Енді санаулы күндерден кейін қасиетті Рамазан айы келеді. Бұл мұсылман қауымы ерекше күтетін және қадір тұтатын берекелі ай. Осыған байланысты бүгін Сырдария аудандық мұсылмандар мешітінің бас имамы Асхат Асқарұлымен келісіп, жаңа жобаны қолға алдық. Сіздерге сол жоба туралы қысқаша айтып берейін.Он екі айдың сұлтаны – Рамазан айында аудандық «Тіршілік тынысы» газетінде «Сұраңыз, жауап береміз» атты жаңа айдар жұмыс істейтін болады. Бұл айдар бойынша тұрғындар мен газет оқырмандары Рамазан айына және оразаға қатысты сұрақтарын жолдап, аудандық мешіттің бас имамынан жауап алады. Бұл қоғамда көп талқыланатын сұрақтардың жауабын алуымызға және діни рәсімдер мен жоралғыларды дұрыс орындауымызға жол ашады.
Сіздерге сауал жолдау үшін төмендегі байланыс құралдары ұсынылады.
Ұялы телефон: 8 747 227 96 35 (WhatsApp)
Жұмыс телефоны: 21-5-73, 21-1-41
