Партиялық бақылау тобы жатақхана жағдайымен танысты

«Президенттің бес әлеуметтік бастамасы» атты Елбасының халыққа Үндеуінің үшінші бастамасы аясында, білім алудың қолжетімділігі мен сапасын арттырып, студент жастардың жатақханадағы жағдайына бақылау жасау мақсатында Nur Otan партиясы Сырдария аудандық филиалы жанындағы партиялық бақылау тобы мүшелері Сырдария аграрлы-техникалық колледжінің жатақханасына зерделеу жұмыстарын жүргізді.

Жұмысшы топ құрамына аудандық мәслихат депутаттары, БАҚ өкілдері болды.

Сырдария аграрлы-техникалық колледжінің жатақханасы 2015 жылы қайта жаңғыртудан өткен. 68 орындық жатақханада қазіргі таңда 35 студент бар. Олар колледжден білім алып, жатақханада тұрады. Жатақханада студенттер үшін барлық жағдайлар жасалған. Атап айтқанда тренажер залы, акт залы, медициналық бекет, асхана, демалыс бөлмесі, жуыну, киім үтіктеу бөлмелерімен қамтамасыз етілген. Жатақхана бейнебақылау жүйесіне қосылған.

"ТТ" ақпарат