Тіршілік тынысы Tirshilik-tynysy.kz ақпараттық агенттігі
» » Облыста АӘК үміткер отбасылардан алфавит бойынша құжаттар қабылдау басталды

Облыста АӘК үміткер отбасылардан алфавит бойынша құжаттар қабылдау басталды

Биылдан бастап атаулы әлеуметтік көмекке үміткер отбасылар қандай құжаттар дайындау қажет? Құжаттар бүгіннен бастап қабылданады.
Қызылорда қалалық жұмыспен қамту орталығының хабарлауынша ұсынылатын құжаттар тізімін оқырмандар назарына ұсынамыз.  
  1. Өтініш берушінің жеке басын куәландыратын құжат;
  2. Оралман мәртебесі туралы (бар болса);
  3. Отбасының әрбір мүшесіне тұрақты немесе уақытша тұрғылықты жері бойынша тіркеуінің болуы;
  4. Өтініш берушінің банктік деректемелері туралы («Қазпошта» АҚ-нан)
  5. Мүгедектікті белгілеу туралы (бар болса);
  6. Барлық балаларға тууын тіркеу туралы (қажет болған жағдайда қайтыс болуы туралы);
  7. Қорғаншылық (қамқоршылық) белгілеу туралы (бар болса);
  8. Бала асырап алу туралы (бар болса);
  9. Неке қиюды тіркеу туралы (қажет болған жағдайда некені бұзу туралы);
  10.  Егер он сегіз жастан жиырма үш жасқа дейінгі асырауындағылар күндізгі оқу нысанының білім алушылары болып табылса – оқу орнында оқу фактісі туралы;
  11.  Табыс туралы (жалақы, әлеуметтік төлемдер, кәсіпкерлік қызметтен түскен табыстар, жылжымайтын және (немесе) жылжымалы мүлікті жалға беруден, жылжымайтын және (немесе) жылжымалы мүлікті сатудан түскен табыстар);
  12.  Дара кәсіпкердің мәртебесі туралы (бар болса);
  13. Жеке қосалқы шаруашылықтың болуы туралы (бар болса);
  14.  Өтініш берушіде және оның отбасы мүшелерінде атаулы әлеуметтік көмекті тағайындау, төлеу немесе тағайындауға өтініш беру фактісінің болуы туралы;
  15.  Жұмыспен қамтуға жәрдемдесудің белсенді шараларына тартылатын отбасының еңбекке қабілетті мүшелері үшін еңбек қызметі туралы (бар болса);
  16.  Жұмыспен қамтуға жәрдемдесудің белсенді шараларына тартылатын отбасының еңбекке қабілетті мүшелері үшін білімі, біліктілігі, арнайы білімінің немесе кәсіптік даярлығының (бар болса) болуы туралы;
  17.  Атаулы әлеуметтік көмек тағайындауға жүгінер алдындағы үш ай қатарынан алимент туралы және (немесе)  берешектің болуы туралы;
  18.  Өтініш берушінің отбасы мүшелерінің бас бостандығынан айыру немесе мәжбүрлеп емдеу орындарында болуы туралы.
Сонымен қатар, жаңа форматтағы атаулы әлеуметтік көмекке өтінім қабылдау жұмыспен қамту орталығы орналасқан (Қызылорда қ., Қ. Қазантаев көш., №43) ғимараттан басқа, Қызылорда қаласы, Әйтеке би көшесі, №21 мекенжайдағы Азаматтық хал актілерін тіркеу (АХАТ) бөлімінің ғимаратында да жүзеге асырылады. Осы ретте, атаулы әлеуметтік көмектің шартсыз түріне үміткер отбасыларға жоғарыда аталған АХАТ бөлімінің ғимаратына барып құжат тапсыруға болады. Себебі, аталған көмектің шартсыз түрін алушы отбасыларға бос жұмыс орындары ұсынылмайды, жұмыспен қамтылуы міндетті емес болғандықтан, уақытты ұтымды пайдалану мақсатында жоғарыда көрсетілген мекенжайға өтінім тапсыруларын сұраймыз.
Ал, жұмыспен қамту орталығы орналасқан ғимаратта шартты атаулы көмек алушы отбасының жұмысқа қабілетті мүшелерін жұмыспен қамтудың белсенді шараларына жолдау, бос жұмыс орындарына жолдамалар беру шаралары ұзақ уақытты талап етуіне байланысты, бұл мекенжайда мүмкіндігінше шартты атаулы әлеуметтік алушылардан өтінімдер қабылданатынын ескеру қажет.

05 қаңтар 2020 ж. 502 0