Ауданда ауыл шаруашылығы қарқынды дамуда
Жыл басынан бері ауыл шаруашылығы бойынша жалпы өнімнің көлемі өткен жылмен салыстырғанда 6,4 пайызға артып отыр. Биыл аудан бойынша 21 050 гектар жерге күріш дақылы егілді. Орта есеппен гектарынан 63,5 центнерден өнім алынып, барлығы 134 мың тонна астық жиналды. Облыста егін жинаудың қорытындысы бойынша марапат биігінен көрінген дала диқандарының арасында Сырдария ауданының озат күрішшілері де бар. Атап айтқанда, «Мағжан және К» серіктестігінің төрағасы Дархан Ералиев шаруашылық мамандарына 7, ал «Бесарық» серіктестігінің төрағасы Дәулет Сәрсенбаев 3 жаңа автокөліктердің кілтін тапсырды.
