Татулық тірегі
Еліміз Тәуелсіздікке қол жеткізген алғашқы жылдан бастап бірлік пен татулықты ту етіп, жарқын жетістіктерді бағындырды. Игі істерге өзге этнос өкілдері де үлес қосып, ортақ Отанымыздың әлеуметтік-экономикалық дамуы жолында қажырлы еңбек етті. Сол себепті бүгінде ел азаматтары бірауыздан бағытымыз – бірлік, тұғырымыз – татулық деген ұрансөзді басшылыққа алады.Аудандық ішкі саясат бөлімінің қолдауымен «Мирас» қоғамдық бірлестігінің ұйымдастыруымен «Біртектілік және бірлік» тақырыбында жиын өтті. Жиналысқа Қазақстан халқы ассамблеясының аудандағы мүшелері, еңбек ардагерлері, үкіметтік емес ұйым жетекшілері және өзге этнос өкілдері қатысты.
Жиынды «Қоғамдық келісім» мекемесінің аудан бойынша этносаралық қатынастар жөніндегі сарапшысы А.Қасымова ашып, «Мәңгілік ел» ұлттық идеясы төңірегінде кеңінен ой қозғады. Патриоттық сезімнің негізі Отанға деген сүйіспеншіліктен бастау алатынын айтып, ұлттың болашағы отбасындағы бірлік пен өзара түсінісуге тікелей байланысты екенін тілге тиек етті. Жиын барысында Қазақстан халқы ассамблеясының аналар кеңесінің мүшесі Ұ.Жанәлиева сөз сөйледі және өзге этнос өкілдері өз ойларын ортаға салып, пікір бөлісті.
Майя ҚОЖАБАЙ
