Жастарға бағытталған бағдарлама

«Дипломмен-ауылға!» мемлекеттік бағ­­­­дар­ламасының игілігін бүгінде көптеген сырдариялық жас маман көруде. Бұл бағ­­­дарлама «Ауылдық елді мекендерге жұмыс істеуге және тұру үшін келген денсаулық сақтау, білім беру, әлеумет­тік қамсыздандыру, мәдениет, спорт және агроөнеркәсіп кешен мамандарына қолдау шараларын» іске асыру мақсатында қабылданған. Биыл 85 маман көтерме жәрдемақы алып, ол үшін 15 миллионнан астам қаржы төленген. Мұнан бөлек мамандардың тұрғын үй сатып алуға қаржы бөлінген. Жыл басынан бері 53 жас маман тиісті қаржысын алып, тұрғын үймен қамтылды. Бюджеттік несиеге 200 млн 737 мың теңге қаржы бөлініп, игерілген. Алдағы жылы аталған бағдарлама жалғасын тауып, ауданда жас мамандар үшін тиісті қаржы бөлінбек.

Бибісара ЖАНӘЛІ