"Ағаш отырғызу" акциясы

"Атадан мал қалғанша, тал қалсын" деген сөз бар. Расымен де саялы ағаш егіп, балаға мирас болатын бұл дәстүр өз өміршеңдігін жойған емес. Жыл сайын жаңадан ағаш отырғызу жұмыстары күз мезгілінде басталып, қара күзге дейін жалғасады.

Өткен сенбіде аудан тұрғындары "Ағаш отырғызу" акциясына жұмыла кірісті. Әсіресе, аудандағы Н.Ілиясов елді-мекенінде ауыл тұрғындары бұл шараға белсене қатысты.

Алдымен арықтарды қоқыстан, шөп-шаламнан тазалап, сонан соң сенбілік ағаш отырғызу акциясына жалғасты. Акцияға ауылдағы мекеме қызметкерлері түгелімен қатысып, жастарға үлгі-өнеге көрсетті.

Б.ТАҢАТАРҚЫЗЫ