Тіршілік тынысы Tirshilik-tynysy.kz ақпараттық агенттігі
» » ЕҢСЕСІ БИІК – ҰЛЫ ЖЕҢІС

ЕҢСЕСІ БИІК – ҰЛЫ ЖЕҢІС

Осы тақырыпта Н.Ілиясов ауылын­дағы №132 Т.Айтбаев атындағы орта мектепте ұлағатты ұстаздар, Ұлы Отан соғысының ардагерлері Садуақас Әлиев, Түймебай Айтбаев, Алмат Наурызбаев, Меңлібай Қаймолдаевты еске алуға арналған футболдан турнир өтті. Оған ауылдардан командалар қатысып, бақ сынады. Шараға ауыл әкімі С.Нұрмағамбетов, ауылдық ар­­­да­­­гер­лер кеңесінің төрағасы Т.Жұма­беков және ауыл тұрғындары қатысты. Оның басталуында мектеп директоры І.Анафияев сөз сөйлеп, ардагер ұстаздар жайлы естелік айтты, жылы лебізін жеткізді. Мұнан соң мектеп оқушылары қанды қырғын туралы көрініс қойды, Ж.Мұратова «Туған өлке», М.Кенжебекова «Ана туралы баллада», Г.Құрманғалиева «Әлия» әнін орындап, Р.Жұманиязова, Ж.Өмір­за­қова, Ұ.Зұлбұхарқызы өлең оқыды.
Еске алу турнирінде елді мекен­дерден келген командалар тартысты ойын өрнегін көрсетті. Нәтижесінде, Шаған ауылы І орынды жеңіп алды. Нағи ауылы ІІ орынды иеленсе, Қаракөл ауылына ІІІ орын бұйырды. Жеңімпаз командалар дипломмен марапатталып, қаржылай сыйлық алды.

Ардақ АЛАШБАЕВ,
№132 Т.Айтбаев атындағы орта мектебінің дене шынықтыру пәні мұғалімі
18 мамыр 2019 ж. 1 453 0