Польшаның Томашув-Мазовецский қаласында конькимен жүгіруден әлем кубогінің үшінші кезеңі өтуде деп хабарлайды Olympic.kz. 

Қазақстан спортшылары жекелей сында айтарлықтай нәтиже көрсеткен жоқ. Конькишілеріміздің басым бөлігі В дивизионында сынға түскен болатын. 

Командалық жарыста Қазақстан құрамасы үш кезең қорытындысы бойынша 10-шы орын иеленіп, биыл өтетін әлем чемпионатына жолдама алды. 

Бұл бәсекеде ел намысын Д. Гаврилов, Д. Морозов және В. Щиголев қорғауда. 

Ал 500 метрге жарысқан Екатерина Айдова 38.914 уақыт көрсеткішімен 12-ші сатыдан көрінді.