Мадридте жергілікті «Реалды» 2:1 есебімен ұтқан «Бавария» Альянц Аренада өздерінің мықтылығын мойындатты. Сан алуан голдар соғылған бәсекеде мюнхендіктер 4:3 есебімен басым түсті. Қонақта бір ғана доп айырмашылығымен жеңіске жеткен «Арсенал» Лондонда «Спортингпен» тең ойнады – 0:0. Соның өзі ағылшындарға келесі кезеңге жету үшін жеткілікті болды. Ал оның алдында Мадридің «Атлетикосы» «Барселонаны», ПСЖ «Ливерпульді» жолынан ығыстырған еді.

Енді жартылай финалда ПСЖ мен «Бавария», «Атлетико» мен «Арсенал» кездеседі. Бұл бәсекелер 28 бен 29 сәуірде өтсе, қарымта матчтарды 5 пен 6 мамырда тамашалаймыз.   

27 сәуірде Самоаның астанасы – Апиада ауыр атлетикадан Universal Weightlifting Cup турнирнің шымылдығы түріледі.