Елена Рыбакина Қытайда өтіп жатқан WTA 1000 турнирінің ширек финалына жолдама алды
Қазақстанның бірінші ракеткасы Елена Рыбакина Қытайдың Ухань қаласында өтіп жатқан WTA 1000 санатындағы турнирдің ширек финалына жолдама алды. Бұл туралы Stan.kz ақпарат агенттігі хабарлайды.1/8 финалда әлемнің 9-ракеткасы саналатын Рыбакина Чехия теннисшісі, 17-орында тұрған Линда Носковамен кездесті. Ойын екі сетте аяқталып, Елена 6:3, 6:4 есебімен жеңіске жетті.
Айта кетейік, Линда Носкова – 2021 жылы "Ролан Гаррос" турнирінің жасөспірімдер арасындағы жеңімпаз.
Бұған дейін, 1/16 финалда Елена Румыниялық Жаклин Кристианды 6:4, 6:3 есебімен ұтқан болатын.
Фото: Елена Рыбакина Instagram парақшасынан
