Мерген қыздар алтыннан алқа тақты
Нысана көздеуден Азия Кубогінде Қазақстанның қыздар құрамасы кезекті алтын медальді жеңіп алды, деп хабарлайды Egemen.kz.Винтовкамен 50 метр қашықтықтан нысана көздеуде Париж Олимпиадасының қола жүлдегері Александра Ле және Арина Алтухова мен Елизавета Безрукова 849.8 ұпай жинады. Сөйтіп, мерген қыздар құрамасы ешкімге дес бермей, алтыннан алқа тақты.
Күміс жүлдені Жапония алса, үздік үштікті Оңтүстік Корея командасы түйіндеді.
Еске салайық, аталған турнир Таиландтың бас шаһары Бангкокта өтіп жатыр.
