Тоғызқұмалақтан шеберлік сағатын өткізді

Сырдария аудандық жастар ресурстық орталығының ұйымдастыруымен аудан жастарына тоғызқұмалақтан шеберлік сағатын өтті. Шеберлік сағатына №11 Сырдария аудандық мектебінің тоғызқұмалақтан жаттырықтырушы Бексұлтан Бостандықов қатысты.

Тоғызқұмалақ ойыны арнайы тақтада екі адам арасында ойналады. Ойын тақтасы – 2 қазан, 18 отау, 162 құмалақтан тұрады. Ойын басында әр ойыншыға бір қазан, тоғыз отауға тоғыз-тоғыздан салынған сексен бір құмалақ тиесілі.

Шеберлік сағатын жүргізуші Бексұлтан барлық ойыншылармен бір мезетте кезекпе-кезек жүріс арқылы ойнап шықты. Жастардың белсенділігі мен тапқырлығы ойын басталғаннан көрініп тұрды.

Бұл шеберлік сағатын өткізудегі басты мақсат жастардың ойлау қабылетін арттыру болып табылады.

Сырдария аудандық жастар ресурстық орталығы