Аудан әкімі грэпплингтен әлем чемпионын қабылдады

Нағи Ілиясов ауылының жас спортшысы Нұрдаулет Карбозов Испания мемлекетінің Понтаведро қаласында өткен Грэпплинг спорт түрінен 92 кг салмақта боз кілемде тартысқа түсіп, барлық қарсыластарынан басып озып, әлем чемпионы атанған болатын. Жас спортшының жетістігімен құттықтау үшін аудан әкімі М.Ергешбаев спортшы мен жаттықтырушысын қабылдап, сый-құрмет көрсетті.

– Ауданның ғана емес, облыс және республикамыздың мерейін әлемдік аренада асырдың. Мемлекеттік гимнімізді шырқатып, көк туымызды желбіреттің. Бұл мереке қарсаңындағы жақсы сыйлардың бірі болды. Алдағы уақытта чемпиондық биіктен түспей, ел спортын дамытуға үлесіңді қоса бер, – деді аудан басшысы Мұрат Нәлхожаұлы.