Зияткерлік ойын жеңімпаздары

Өткен аптада Қызыл­орда қаласында 50 жас­тан асқан ардагерлер арасында облыстық спартакиада өткізілді. Спорттың бірнеше түрінен ұйымдастырылған жарысқа сырдариялық ардагерлер де белсене қатысты.

Тәжірибесі толысқан ардагер спорт­­­­­­­шылар үстел теннисі, шахмат, шағын футбол, волейбол, тоғыз­құ­ма­лақ, қазақ күресінен бақ сынады. Бабы мен бағы келіскен азаматтар кіл мық­ты­ның арасынан үздік болу­ға талпынды. Осылайша, ау­дан спортшылары шах­мат пен то­­ғыз­­­­құ­малақтан жүлдегерлер қата­­­ры­­­­нан көрінді. Өз кезегінде білікті спорт­­шы Мектепхан Елеу­сінов шах­мат­тан ІІ орынды, Кенбай Қарашаев тоғызқұмалақтан І орын­ды, Бауыржан Тәженов ІІІ орынды же­ңіп алды. Командалық есепте тоғыз­құмалақ­шылар ІІІ орынды ие­ленді.

– Сырдариялық ардагерлер жыл сайын дәстүрлі түрде облыстық спар­та­киадаға қатысыды. Облыс бойынша Қызылорда қаласы мен 7 ауданнан сақадай сай дайындалған спортшылар жарыс көрігін қыздырды. Жарыс барысында өзара тәжірибе алмасу жүргізілді. Аудан намысын қорғаған біздер зияткерлік ойындардан дара шығуға тырыстық. Ұзақ уақыт дайын­дықтың арқасында жеңіске бір табан жақындадық. Алдағы уақытта аудан мерейін тасытып, байрақты бәсе­ке­лерден жүлделі болуға барымызды саламыз, – дейді ардагер спортшы Мектепхан Елеусінов.

Айта кетейік, аудан спортшылары республика көлемінде жоғары дең­­гейде өнер көрсетіп жүр. Алдағы байрақты бәсекелерде спорт саңлақ­тарына сәттілік тілейміз.

Балтабай ОРДАБЕКОВ