Мөлдір Жаңбырбай Сыр еліне келді
Қызылордалықтар Қорқыт Ата әуежайынан каратэден Токио Олимпиадасының жолдамасын жеңіп алған мақтанышымыз Мөлдір Жаңбырбайды салтанатты түрде күтіп алды.Жерлесімізге құрмет көрсету үшін әуежайға БЖСМ тәрбиеленушілері, жаттықтырушылар мен анасы, туыстары келді.
Еске салайық, 11-13 маусым аралығында Францияның Париж қаласында өткен лицензиялық жарыста 55 келіде күміс жүлдені иеленген болатын.
Алдағы мақсаты - Токиода өтетін жазғы Олимпиада ойындарында жүлделі орындардың тұғырына көтерілу.
Облыстық дене шынықтыру және спорт басқармасының баспасөз қызметі
