Мөлдір Жаңбырбай Токио олимпиадасының жолдамасына ие болды

Францияның Париж қаласында каратэден өтіп жатқан соңғы лицензиялық турнирде жерлесіміз Мөлдір Жаңбырбай 55 келі салмақ дәрежесінде күміс жүлдегер атанып, Токио Олимпиадасының жолдамасына ие болды, –  деп хабарлайды Kyzylorda-news.kz.

Жарыс ережесі бойынша алғашқы үш орынды иеленген спортшыларға ғана Олимпиада жолдамасы табысталады.

Айта кетейік, қызылордалық спортшыларда Токио Олимпиадасына үш лицензия бар. Олар: ҚР еңбек сіңірген спорт шеберлері, боксшы Қамшыбек Қоңқабаев, еркін күрес балуаны Дәулет Ниязбеков және ҚР халықаралық дәрежедегі спорт шебері, каратэші Мөлдір Жаңбырбай.

Мөлдір Жаңбырбайды жеңісімен және жолдама алуымен шын жүректен құттықтаймыз!

Спортшыларымыз Токиода еліміздің абыройын асқақтатып, көк туымызды көкке көтереді деген сенімдеміз!