Басқарма басшысымен кездесті

«Спорт жұлдыздары» республикалық жураналының шеф-редакторы, Алматы қалалық филиалының директоры Жандос Аянбек облыстық денешынықтыру және спорт басқармасының басшысы Жақсылық Оспановпен кездесті. Бұл туралы «Спорт жұлдыздары» республикалық журналының шеф-редакторы Жандос Аянбек «Инстаграм» әлеуметтік желісіндегі жеке парақшасында жариялады.

– «Ассалаумағалейкум Қазақ елі! Жақсы адам елдің ырысы дейді халқымыз! Бүгін Алла сәтін салып Сыр өңіріне келіп, Қызылорда облыстық дене шынықтыру және спорт басқармасының басшысы, алаштың асыл ұлы Жақсылық Әбдімәлікұлымен кездесіп, сұхбаттастым.

Барлық саналы ғұмырын спорт саласына арнаған білікті басшымен болған әңгімеміз ырысы тасыған Сыр спортының өткені мен келешегі туралы өрбіді. Қазақ спортына өлшеусіз үлес қосып, небір мықтыларды тәрбиелеп шығарған Сыр спорты еліміздегі спорт саласының нағыз көшбасшысы болып табылады. Бұл өңірден небір мықтылар шыққан, әлі де шығады деп ойлаймыз.

Жақсылық Әбдімәлікұлымен болған сұхбатты бұйырса «Спорт жұлдыздары» журналының алдағы бір санынан оқи аласыздар! Әрқашан бізбен бірге болыңыздар! Біз біргеміз – берік іргеміз! Қазақ елі жасасын! Қазақ спорты жасасын!» – делінген жазбада.