Official! Головкин 18 желтоқсанда жекпе-жекке шығады
Орта салмақта IBO және IBF нұсқасы бойынша чемпиондық атаққа ие Геннадий Головкин (40-1-1, 35 КО) 18 желтоқсан күні жекпе-жекке шығады. Отандасымыздың қарсыласы – поляк Камил Шеремета (21-0, 5 KO).Жекпе-жек жайлы DAZN стримингтік сервисі хабарлады.
Ал оған дейін қазақстандық боксшының өзі instagram желісінде келесі кездесуі жайлы жазған.
"Мақсатқа жету жолында рекорд бойынша 21-ші рет чемпиондық атақты қорғауға шығамын. Жуырда көріскенше", - деп жазған-ды.
Геннадий Головкин Камил Шереметаға қарсы кездесуде IBF чемпиондық белбеуін қорғайды.
Айта кетейік, отандасымыз ақырғы рет өткен жылдың қазан айында шаршы алаңға шыққан. Нью-Йоркте украиналық боксшы Сергей Деревянченконы жеңген еді.
