Айта кету керек, байқау Мемлекет басшысы Қасым-Жомарт Тоқаевтың жариялаған «Жұмысшы мамандықтары жылы» аясында ұйымдастырылып отыр.

Байқау бүкіл партиялық құрылымның жұмыс тиімділігін арттыру, бастауыш партия ұйымдарының (бұдан әрі – БПҰ) рөлі мен белсенділігін күшейту, олардың ынтасын және партияның қызметіне қатысу деңгейін арттыру мақсатында өткізіліп отыр.

Комиссия отырысын партия филиалының атқарушы хатшысы, фракция жетекшісі А.Ибрагимұлы ашып, жүргізіп отырды. Отырыс барысында комиссия мүшелері байқауға қатысушы БПҰ-ның арнайы дайындаған жұмыстарын "Үздік бастауыш партия ұйымы" республикалық байқауын өткізу туралы ережесінің №2 қосымшасында белгіленген партиялық жобаларды іске асыруға қатысу , партияішілік жұмыстар, жастармен жұмыс, партиялық жұмыста кретивті әдістерді пайдалану, БПҰ қызметін БАҚ-та жариялау сынды бағалау әдістемесі бойынша өз бағаларын берді.

Байқау комиссиясының шешімі бойынша , І санат бойынша (100-ге дейінгі партия мүшесі бар БПҰ) «Жастар» БПҰ үздік деп танылып, І орынды иеленді. Ал ІІ санат бойынша (100 - ден 500- ге дейінгі партия мүшесі бар БПҰ) «Шіркейлі» БПҰ үздік деп танылып, І орынды иеленді. Комиссия мүшелерінің шешімімен аталған бастауыш партия ұйымдары жеңімпаз деп танылып, байқаудың аймақтық кезеңіне қатысуға жолдама ұтып алды.

– Байқау бүкіл партиялық құрылымның жұмыс тиімділігін арттыру, бастауыш партия ұйымдарының рөлі мен белсенділігін күшейту, олардың ынтасын және партияның қызметіне қатысу деңгейін арттыру мақсатында ұйымдастырылып отыр. Байқаудың үздік БПҰ анықтау және олардың жұмыс тәжірибесін тарату, озық тәжірибені анықтау және ауқымын кеңейту, партиялық меритократия қағидаты ретінде партиялық және сайланбалы лауазымдарға кандидаттарды ұсыну кезінде ерекше көзге түскен БПҰ төрағаларының әлеуетін пайдалану, қоғамда партияның іс жүзіндегі жұмысы туралы объективті пікір қалыптастыру, партия қатарын (партияішілік бірлікті) нығайту, жалпыұлттық күн тәртібіндегі міндеттерді бірлесіп жүзеге асыру үшін партия мүшелерін жұмылдыру сынды бірнеше негізгі міндеттері бар. Байқауға қатысуға өтініш білдірген БПҰ алғыс білдіремін. Аймақтық кезеңге өткен жеңімпаздарды құттықтаймын. Жеңімпаз атанып, ақтық мәреге дейін жетулеріңізге тілектеспін, – деді Сырдария аудандық партия филиалының атқарушы хатшысы А.Ибрагимұлы.