Қызметіне сәттілік тіледі

Қызылорда облысы бойынша мем­лекеттік кірістер де­партаментінің басшысы Ғ.Амановтың бұйрығымен Сырдария ауданы бойынша Мемлекеттік кірістер басқармасының басшысы лауазымына Айбосынов Данияр Болатұлы тағайындалды.

Жаңа қызметке тағайындау рәсімін Қызылорда облысы бойынша Мем­ле­кет­­тік кірістер департаменті басшының орын­басары Әділбек Бекішев пен аудан әкімінің орынбасары Талғат Нұртазаев жүргізді. Сондай-ақ жиынға мекеме қыз­меткерлері де қатысты.

Аудан әкімінің орынбасары ауданның экономикалық дамуы мемлекеттік кіріс­тер саласымен тығыз байланыс­ты еке­нін, сондықтан жаңа басшыға зор се­нім артылатынын айтты. Өз кезегінде әріптестері жаңа басшыға қызметте абырой, толағай табыс тіледі.

Айта кетейік, Данияр Болатұлы 1985 жылы Қазалы ауданында дүниеге келген. Оңтүстік Қа­зақстан Мемлекеттік уни­верситетін экономист мамандығы бо­йынша тәмамдағаннан кейін қызметтік жолын Шымкент қаласы бо­йынша Са­лық комитетінің жетекші маман болып­ бастаған. Одан кейінгі уақыттарда Ең­бек­ші ауданы бо­йынша Салық басқар­ма­сының бас маманы, Қызылорда қа­ласы бойынша Мем­лекеттік кірістер бас­­қармасында бас маман, бір­неше бө­лі­мінде басшы қызметін атқар­ған. 2021 жылдың наурыз айынан бас­тап осы уақытқа дейін Қызылорда облысы бо­йын­ша Мем­лекеттік кірістер депар­­та­ментінің Қызыл­орда қаласы бо­йынша Мем­лекеттік кірістер басқармасы басшы­сының орынбасары қызметін атқа­рып келген.

«ТТ» ақпарат