Қаржыгерлер құрмет төрінде

Аудан әкімі М.Ергешбаев түрлі сала өкілдерін кәсіби ме­рекесінде құттық­тап, құр­мет көрсетіп келе­ді. Осынау игі дәстүр қар­­жы­­гер­лер­дің де төл ме­ре­кесінде жал­ға­сын тапты. Аудан бас­шысы­ сала ар­­дагерлері мен маман­­дарды құттықтап, ең­бегі есе­лі сала үздіктерін төр­ге оз­­дыр­ды.

Аудан әкімі ең алдымен аудан бюд­жетiнiң атқарылуын талдау және аудан­ның коммуналдық меншiгiн басқару сала­сын­дағы мемлекеттiк саясатты iске асыруда қаржыгерлердің алатын орны ерекше еке­нін атап өтті.

– Баршаңызды Ұлттық валюта және қаржы саласы қызметкерлері күні кәсіби мерекесімен шын жүректен құттықтаймын! Елімізді экономикасы өркендеген елге айналдыру жолында қаржы, экономика, қа­зынашылық, статистика, салық жүйесі­нің мамандары зор еңбек сіңірді. Осы жетіс­тіктерге Сырдария ауданының білікті қар­жыгерлерінің де қосқан үлесі аз емес. Тиыннан теңге құрап, табыстың берекесін тасытқан сала ардагерлері ауданымыздың экономикалық көрсеткіштерінің артуына талмай еңбек етті. Бүгінде бұл жұмыстарды майталман мамандар жалғастыруда. Ау­дан­­ның әлеуметтiк-экономикалық дамуы­ның стратегиялық мақсаттарын және ба­­сымдықтарын, негiзгi бағыттарын қалып­тас­тыруда аудандық қаржы бөлімінің алатын орны ерекше. Бөлім аудан бюджетiн қа­лыптастыру және оның атқару процесiн же­тiлдiруде де кешенді жұмыстар атқаруда, – деді аудан әкімі.

М.Ергешбаев сондай-ақ Сырдария ауда­нының биыл «Үздік аудан» атан­ға­нын айтып, бұл жетістікке жетуде қаржыгерлердің де үлесі мол екеніне тоқ­талды. Сондай-ақ сала ардагерлері мен еңбекте үздік шық­қан мамандарды облыс, аудан әкімінің «Ал­ғыс хатымен» марапаттап, естелік сыйлық табыс­тады.

Мерекелік қабылдауда сала ардагері, «Сырдария ауданының Құрметті азаматы» Ибрагим Әкімжанов және аудандық экономика және бюджетті жоспарлау бө­лімін ұзақ жылдар басқарған Мағрипа Жүсіпбекова сөз сөйлеп, құрмет көрсеткені үшін аудан басшысына алғыс айтты. Өз кезегінде аудандық мәслихат депутаты Жұмабек Ембергенов аудан бюджетінің атқарылуын ұйымдастыруда талмай еңбек етіп жүрген қаржыгерлердің еңбегін жо­ғары бағалап, игі тілегін жеткізді. Іс-шара соңында аудандық қаржы бөлімінің басшысы А.Есмағанбетов әріптестерінің атынан алғыс айтып, артылған сенімді абыроймен атқару жолында қаржыгерлердің қажырлы еңбек ете беретінін айтты.

Ақтөре ИБРАГИМҰЛЫ