Тіршілік тынысы Сырдария аудандық қоғамдық-саяси газет

№ 6 газет

22 қаңтар 2022 ж.

№ 5 газет

18 қаңтар 2022 ж.

№ 4 газет

15 қаңтар 2022 ж.

Жаңалықтар мұрағаты

«    Қаңтар 2022    »
ДсСсСрБсЖмСбЖс
 12
3456789
10111213141516
17181920212223
24252627282930
31 
» » Бюджетке өзгерістер енгізілді

Бюджетке өзгерістер енгізілді

Сырдария аудандық мәслихаты­ның кезектен тыс 10-сессиясы өтті. Сессия жұмысына аудандық мәс­лихат депутаттарынан бөлек аудан әкімі М.Ергешбаев, облыстық мәслихат хат­шысы Н.Байқадамов, облыстық мәс­лихат депутаты Н.Ибраев, кент және ауылдық округі әкімдері, бөлім, мекеме басшылары қатысты.
Аудандық мәслихат хатшысы Е.Әжікенов сес­сияның күн тәртібімен таныстырып, жылдың қоры­тындылануға жақын қалғанын және депутаттар назарына ұсынылған мәселелердің маңыздылығын атап өтті. Сессияда Тереңөзек кенті мен Ақжар­ма, Аманкелді, Бесарық, Н.Ілиясов, Шаған, С.Сей­фуллин, А.Тоқмағамбетов, Қалжан ахун, Айдарлы, Жетікөл ауылдық округтерінің 2021-2023 жылдарға арналған бюджеті туралы аудандық мәслихаттың 2020 жылғы 31 желтоқсандағы шешімдеріне өзге­рістер енгізілді. Бұл туралы аудандық экономика және бюджеттік жос­парлау бөлімінің басшысы Е.Ахетов хабарлама жасады.
Сонымен қатар, «Әлеуметтік көмек көрсету, оның мөлшерлерін белгілеу және мұқтаж аза­мат­тардың жекелеген санаттарының тізбесін ай­қындау қағидаларын бекіту» туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы М.Қаратаев баяндады. Бұл мәселе бо­йын­­­ша депутаттардың ұсыныс-пікірі ескеріле оты­­рып, аудандық мәслихаттың 2020 жылғы 16 қыркүйектегі №430 шешіміне өзгерістер енгізілді.
Кезектен тыс сессия барысында аудан әкімі­нің орынбасары Т.Нұртазаев «Сырдария ауданы­ның Құрметті азаматы» атағына ұсынылып, ко­мис­сияның оң қорытындысын алған азаматтарды таныстырды. Соның негізінде депутаттардың бірауыздан қолдауымен он үш азаматқа «Құрметті азамат» ата­ғын беру туралы шешім қабылданды.
Күн тәртібіндегі мәселелер кеңінен талқыланып, тиісті шешімдер қабылданғаннан кейін облыстық мәслихат хатшысы Н.Байқадамов өңірдің әлеу­меттік-экономикалық дамуы жөнінде хабарлама жасады. Сондай-ақ, аудан әкімі М.Ергешбаев бір­лесе атқарылған жұмыстар үшін депутаттарға алғы­сын білдірді.

А.СЕЙІЛОВ
20 қараша 2021 ж. 62 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам