Аудандық орталықтандырылған кітап­ханада Ел Тәуелсіздігінің 30 жылдығы және «30 тамыз Қазақстан Республикасының Конституциясы күні» мерекесі аясында «Ата Заңды құрметтеу – асыл парыз, зор міндет» тақырыбында дөңгелек үстел өткізілді. Оған аудандық соттың бас маман-аға жасауылы Ж.Сырғабаева, жетекші маман Е.Тілеубай, аудандық полиция бөлімінің кадр саясатының инспекторы А.Бексейітов, полиция полковнигі Қ.Шүкіров, аудандық жастар ресурстық орталығының маманы С.Сыздықова және кітапхана қызметкерлері қатысты.
Дөңгелек үстел барысында жиналғандар Ата Заңның негізгі құндылықтарын тілге тиек етті. Мемлекеттік заңнамалардың ма­ңыздылығы мен адам құқығын қорғау ар­тық­шылықтарын ашып айты. Сала мамандары кәсіби тұрғыдан басты құжаттың ат­қа­ратын қызметін саралады.

Қазақстандағы маңызды мереке­лердің бірі «30 тамыз – Қазақ­стан Республикасының Конституциясы күні­не» орай санитарлық талаптарды сақ­тай отырып, ауданда көптеген та­нымдық іс-шаралар ұйымдас­тырылды.