Сот белгілеген ерекше талаптарды бұзған

Сырдария аудандық сотында азамат К.-ға қатысты Қазақстан Республикасының ӘҚБтК-нің 669-бабының 3-бөлігімен әкімшілік құқық бұзушылық туралы іс қаралды.

Аудандық соттың қаулысымен азамат К.-ның мінез-құлқына үш ай мерзімге алкогольдік ішімдік ішуге, есірткі, психотроптық заттарды қолдануға толық көлемде тыйым салуды көздейтін ерекше талаптар белгiленген.

Алайда, К. алкогольдік ішімдік ішкен масаң күйінде полиция қызметкерлеріне ұсталып, мінез-құлқына сот белгілеген ерекше талаптарды бұзған.

Сот отырысында оның құқық бұзушылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.

Сот қаулысымен К. ҚР ӘҚБтК-нің 669-бабының 3-бөлігімен кінәлі деп танылып, 20 тәулік мерзімге әкімшілік қамаққа алу жазасы тағайындалды.

Сурет: Нұрболат НҰРЖАУБАЙ

Сырдария аудандық соты