Діни алауыздықты насихаттағаны үшін қылмыстық жауаптылыққа тартылды
Сырдария аудандық сотында Қазақстан Республикасының Қылмыстық кодексінің 174-бабы 1-бөлігінде көзделген сотталушы М.-ге қатысты қылмыстық іс қаралды.Сотталушы М. 2024 жылдың қаңтар айында әлеуметтік, рулық, нәсілдік, тектік-топтық немесе діни алауыздықты қоздыру мақсатында әлеуметтік желідегі «Теlegram» мессенджеріне «М» деген атауымен тіркеліп, өзінің жақын туыстарына және таныстарына жеке-жеке чаттарына діни мазмұндағы ақпараттарды жариялаған.
Сотталушының кінәсы сараптама қорытындысымен, қарап-тексеру хаттамасымен және өзге де құжаттармен дәлелденген.
Сот үкімімен сотталушы М. Қазақстан Республикасының ҚК-нің 174-бабы 1-бөлігімен кінәлі деп танылып, оған 3 жыл мерзімге бас бостандығын шектеу жазасы тағайындалды.
Үкім заңды күшіне енбеген.
Фото:Ашық дереккөзден
