Тіршілік тынысы Tirshilik-tynysy.kz ақпараттық агенттігі
» » Қызылордада автокөлік суға түсіп кетті

Қызылордада автокөлік суға түсіп кетті

2021 жылдың 29 қарашасында 03 сағат 58 минутта Қызылорда қаласы Рисмаш шағын ауданы маңында дарияға (ені 15-20 м., тереңдігі 3-4 м) автокөлік түсіп кеткені және ішінде адам бар екендігі туралы хабар түсті.

Сағат 04:20-да су асты іздестіру жұмыстары басталды. «DAEWOO NEXIA» автокөлігінде 2 адам болған екен. Жолаушысы 1994 жылы туылған азамат өз күшімен сыртқа шыққан. Көлік жүргізушісі 1994 жылы туған азамат автокөлік ішінен шыға алмай қалған. Сағат 09:22-де автокөлік судан шығарылып, жүргізушінің денесі туыстарына тапсырылды. Су астындағы іздестіру жұмыстарына 17 құтқарушы 4 техникасымен, 1 жүзу құралымен атсалысты.

Облыс тұрғындарына айтарымыз, автокөлікте барынша қауіпсіздік ережесін сақтап, жолда сақ болуларыңызды, мүмкіндігінше түнде жолға шықпауларыңызды сұраймыз.

Қызылорда облысы ТЖД

29 қараша 2021 ж. 308 0